Pinoy World War II Veterans Benefit approved by US Congress!

Tulad ng tatay kong si Primo Panganiban na isa sa mga nakipagdigmaan noong panahon ng hapon ilang libong pilipinong WWII veterans ang makakatanggap ng benepisyo mula sa US. Ito ay angkop sa isang source, pakibasa na lang po.

Nakalusot na sa Kamara de Representantes ng US ang panukalang batas na maglalaan ng pondo upang pagkalooban ng benepisyo ang mga Pinoy World War II veterans na nakipaglaban kasama ang mga sundalong Amerikano noong panahon ng digmaan.

Ang $190 milyong pondo na pagkukunan ng benepisyo para sa mga beterano ay bahagi ng $787- bilyong stimulus bill o The American Recovery and Reinvestment Act of 2009 na inaprubahan ng mga kongresista .

Sa Linggo (araw sa Pilipinas) ay inaasahang aaprubahan ng mga senador sa US ang naturang panukala. At pagkatapos nito ay pipirmahan ni US President Barack Obama upang ganap na maging batas.

Nakapaloob sa probisyon ng panukala na makatatanggap ng $15,000 ang bawat beteranong Pinoy na nasa US, habang $9,000 sa mga Pinoy veterans na nasa Pilipinas.

“We did it," masayang pahayag ni Ben Guzman ng National Alliance for Filipino Veterans Equity. “The Senate has just passed Filipino WWII Veterans legislation! I'm humbled and blessed to be able to work on this."

“This moment is the result of our community’s partnership with our champions on Capitol Hill and the White House," pahayag naman ni Jerry Clarito, anak ng isang beterano Chicago, Illinois.

“President Obama’s support for this is well documented, and we are grateful to the White House for its role in this historic achievement," idinagdag niya.

Umaasa naman si Pat Ganio, presidente ng American Coalition for Filipino Veterans, Inc. na naninirahan sa Jacksonville, Florida, na matatanggap nila ang ipagkakaloob na benepisyo sa mga beterano.

“Alam kong nasa economic crisis ang Amerika. Pero matagal na kaming nasa economic crisis mula pa noong panahon ng giyera. Siguro naman dapat lang ay matanggap na namin ito," ayon kay Ganio na tubong Nueve Ecija.

Tulad ng mga beteranong Pinoy, lubos din ang pasasalamat ni Pangulong Gloria Macapagal Arroyo sa mga mambabatas sa US sa pag-apruba sa panukalang pagkalooban ng benepisyo sa mga beterano ng digmaan.

“We look forward to the signing of the stimulus bill by President Barack Obama who has also been a strong supporter of the Filipino Veterans Bill," pahayag ni Gng Arroyo nitong Sabado.

Matatandaan na dumalo si Arroyo sa taunang National Prayer Breakfast na inorganisa ng mga mambabatas ng US sa Washington DC noong nakaraang linggo.

“Equity for the Philippine veterans of World War II is at hand," ayon sa pangulo ng Pilipinas.

Nagpaabot naman ng espesyal na pasasalamat si Gng Arroyo kina US Sens. Daniel K. Inouye, Daniel Akaka, Harry Reid, Richard Lugar, at dating Sen Ted Stevens. Gayundin kina Speaker Nancy Pelosi, Reps. Bob Filner, Darrell Issa at Mike Honda

Souce: gmanews